الأحد، 26 فبراير 2012

حبيبتى يامصر



يا ابو قلب طيب يا مصرى شكلك ف تكوينى

اسمك كمان هوّ اسمى ومعدنك طينى

اغزل بقلبك معانى لاجل ست الكل

راح تلقى نبضك ف لحظه بيهز شرايينى



لـــو كـــل مصـــري قــــــال كـــلمتين زيـك
نتحـدىكـل المصــاعب ونــلاقي كل الحلول



أاوول كلام في حب مصر..................

*****

مكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك مرسومه
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي
****
أنا مصري وأمي مصرية
مولود من جوه رحم أرضك
من طينك كحلت عنيا
والحبل السُري كان نيلك
مفطوم علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
مكتوب في بطاقتي الشخصية